بسم الله
ده فيديو بيتكلم عن Google Maps on mobile ، فعلا الدقة تكسبك احترام الأخرين ، فى خدمة فيها مميزة وجديدة بتحدد موقع الشخص بموبايله حتى لو الموبايل مش مدعم بال جى بى اس ، بيشرح فى الفيديو ازاى بيقدروا يحددوا موقع مستخدم الموبايل .
Tag Archive for 'موبايل'
أخيرا انجرفت لعالم الموبايل الصينى واشتريت انهاردة موبايل صينى N82Y سعره 260 جنيه فى مميزات جامدة كتير بس من طبعى لما امسك اى جهاز جديد عليا لازم اتعرف على مميزاته كلها ومن أهمهم موضوع اتصال الموبايل بالانترنت.
فلما جيت أشوف اتصال الموبايل N82Y بالأنترنت حاولت أظبط الاعدادات واتصل بال GPRS بس لاقيت الموضوع رخم شوية وناس كتير بتعانى منه قمت دخلت على جوجل وبحثت عن الكلمة الى دايما بتظهرلى لما اجى افتح صفحة من على الموبايل “gprs not subscribed” جالى صفحات كتير .
الو أيوة مين معايا ……………
أنا *****
أه أهلا وسهلا …خير
طبعا ماحدش فاهم حاجة ….. دى مجرد مكالمة تليفون غير مدربة على الكلام فى التليفون وبتبقى فترة عمر المكالمة يتراوح ما بين 20 الى 50 ثانية ومش هيتصل بيك تانى لو كان فى خدمة أو مصلحة بتقضى عن طريق التليفون للأسباب الأتية :
الصوت محشرج .ممل.ميت.زهقان.حاسس انك هتضربه فى التليفون. مش عيب انك تعترف انك ما بتعرفش تتكلم فى التليفون حتى انا كنت كده بس لما بتدرك المشكلة بتبتدى تفكر فى حلها ودى برمجة سابقة ربنا خالقنا بيها سبحانه وتعالى انك لما بتدرك مشكلة تبدأ فى البحث عن حل لها .
لو القينا النظر على رجل الاعمال لما بيجى يتكلم فى التليفون بتبقى بداية المكالمة كالأتى : ألو معاك زهير(مجرد مثال على اسم رجل اعمال) مين حضرتك . أنا ******
أهلا وسهلا أخبارك ايه ؟ ألخ ………. ولما أم خميس بتيجى ترد على التليفون وتكلم أم جمعة بتقول : الووووووو مع تأكيد على حرف الوااو وتقولها ازيك يا ام جمعة عاملة ايه فى الجواز القوطة غليت وهى تقوم ترد عليها بنفس اسلوب الكلام ويقفلوا بردوا وهما مش فاهمين حاجة بس بيحاولوا يكسروا الحواجز علشان يتكلموا فى موضوع معين أو علشان تقولها حاجة معينة .
بس على فكرة المشكلة دى مع ام خميس وام جمعة وزهير وبس المشكلة دى بتواجه ناس كتيرة أوى يعنى من الواضح هنا ان المشكلة ان بيبقى فى حواجز وهمية عند الطرفين بتخليهم يدخلوا فى مواضيع هما مش فاكرينها ولا عايزين يتكلموا فيها بس مجرد كسر حواجز طب ايه الحل : …………………
للمكالمة بعض العناصر الأساسية التى تتوقف عليها مكالمة التليفون الفعالة والمختصرة بردوا علشان ما ننفعش شركات الاتصالات لانى صراحتن بعتبرهم ناس بتبيع الوقت بس ماكدبش عليكم لو انا شغال فى المجال ده هدعمهم 
.
أنا لخصت العناصر دى فى 6 خطوات للمكالمة الفعالة.
العناصر هيا :
1 – السلام العام.
2 – السلام الخاص .
3 – ذكرى بسيطة .
4 – مضمون المكالمة ببساطة.
5 – انصات تام للرد على المضمون .
6 – ختام مع متابعة قريبة .
شرح العناصر :
السلام العام : الى هو (السلام عليكم)
السلام الخاص : أكيد يعنى لما يرد عليك السلام هتعرفه من صوته هو مين ولو ماعرفتوش بصوت سريع متوسط تقوله مين معايا .ولما تعرفه هتسلم عليه سلام خاص كالأتى مثلا (أهلاااااااااا أزيك يا محمد عامل ايه ؟) المهم تحسسه باهتمام وخلاص بالسلام انت واسلوبك بقى .
ذكرى بسيطة : انك مثلا تقوله فاكر يوم كذا لما حصل كذا وانت عملت كذا وخد بالك لازم انت دى ما تقولوش وانا عملت كذا فى اللحظة دى هترجعه لاخر يوم اتقابلته فيه واتكلمته بتواصل حى من غير تليفون يبقى انت كده قدرت تكسر الحواجز فعلا.
مضمون المكالمة : بعد ما الذكرى البسيطة تأتى مرحلة المضمون وهو انك بعد الذكرى البسيطة تقوله انت متصل ليه عالطول .
الأنصات التام لأستماع الرد على المضمون : تسكت بعد ما تقول انت كنت عايز ايه وتنصت ولا تسمع أى تفهم الرسالة المقصودة من هذا الرد.
ختام مع متابعة قريبة : انه بعد ما يخلص مثلا تقول خير ان شاء الله و تاخد ميعاد مقابلة او مكالمة جديدة وتقفل بنفس عنصر السلام العام (السلام عليكم).
على فكرة الكلام ده مش اختراع ولا حاجة هو ده الطبيعى أصلا الى بيحصل فى أى مكالمة بس بيحص بأسلوب غير مرتب وأنا لما فكرت فيها حبيت أرتب الموضوع ليس أكثر.
أحدث التعليقات