بسم الله
قناة المساطيل :
قناة غنوة الى على الدش بتجيب بالنهار أحاديث واسلاميات وبالليل بتقلب كبارية وبنات ما بتعملش حاجة غير انها بترقص ، طب تيجى ازاى دى يا بشر ؟
نصب قانونى علنى :أسلوب جديد فى النصب من قنوات التليفزيون (الدش) يقولك اسم بلد لو شلت منه حرف يتحول لاسم حيوان أليف طبعا هى قطر لو شلت حرف القاف هتبقى قط – يقولك رن علينا واحنا هنتصل بيك وهتكسب 100000$ ، المهم جربت اتصل بيفتحوا عليك وسعر الدقيقة 3 جنيه وشغلوا أى أغنية على اساس انها كول تون و هما فى الحقيقة فتحوا الخط وعلى ما الناس تفهم ان الحكاية نصب يكونوا عمللهم شوية فلوس وبعد كده يدوروا على حاجة تانية ينصبوا بيها . طب ليه أصلا بنجرى ورا الأوهام دى ، ده لو الناس الى بتعد تتصل دى وكل واحد منهم دفع ال 3 جنيه دول وجمعناهم هيعملوا كام مليون يتعمل بيهم مشاريع تصرف على بيوت كتيرة وتشغل ناس كتيرة .
قال تعالى: (مَثَلُ الَّذِينَ اتَّخَذُواْ مِن دُونِ اللَّهِ أَوْلِيَآءَ كَمَثَلِ الْعَنكَبُوتِ اتَّخَذَتْ بَيْتًا وَإنَّ أَوْهَنَ الْبُيُوتِ لَبَيْتُ الْعَنكَبُوتِ لَوْ كَانُواْ يَعْلَمُونَ).
خلاصة الموضوع : بلاش نستعين ولا نتوكل الا على الله
أحدث التعليقات