بسم الله
# ليه لازم نسمى الله فى كل شىء نبتدى فعله ، لأن أى عمل بنعمله فى حياتنا لم يتم الا باذن الله وكل عمل نحتاج تنفيذه لن يتم الا باذن الله .
# برنامج صانع الفواتير Invoice Maker اقترب من الظهور للنور حتى الأن شغالين فى التصميمات الخاصة بالبرنامج أعتقد باقى على اظهاره للنور مش أقل من 14 يوم ان شاء الله دعواتكم وعلى فكرة ال Web Application ده مستخدم فى عمله اطار العمل DooPHP وكان مريح جدا فى الشغل والكود منظم جدا ولكن الأبليكشن الى جاى ان شاء الله هيكون بسمارتى عندى فضول شديد للتعمق بسمارتى .
# أجمل كلمات رومانسية عفيفة سمعتها فى حياتى على بلوج المهندس عبد الرحمن فتحى فى قسم الخواطر على الرابط ده بس يا ريت ماحدش يستغل الكلمات دى استغلال سىء وكل الشباب طبعا فاهم.
# دعوة للاسلام بأكتر من لغة منتشرة اليومين دول حاجة تفرحا القلب والله .
# الأستاذ عادل امام كل شوية بمشكلة مع داعية شكل وماحدش عاجبه من الدعاة وسمعت فى برنامج حوارى ان عادل امام أحسن رجل يمثل الاسلام ويتكلم بالنيابة عنه مع الغير مسلمين الله و أكبر الموضوع ده ليه تدوينة خاصة ان شاء الله انتظروها.
# كتاب أبواب السماء لفضيلة الشيخ محمد حسين يعقوب متعة حقيقية فى القراية من أسلوبه فى الكتابة ومعلومات منظمة ومفيدة عن كيفية الدعاء والتواصل مع الله ، قرأت حتى الأن منه حوالى 100 صفحة باقى ناقص 184 صفحة هانت .
# تطوير كلى للمدونة قريبا جدا باذن الله .
0 Responses to “منوعات حقيقية 2”