Archive for the 'حوار مع النفس' Category

الجافا هى اللغة الى بنتكلم بيها مع الكمبيوتر والألات والموبايلات ، والعربى هى الى بنتكلم بيها مع العرب ، والانجليزى هى اللغة الى بنتكلم بيها مع أهل انجلترا و أمريكا ، و الحب هو لغة التعامل بين الزوجين والأصحاب والأصدقاء ، والدعاء هو لغة التعامل مع الله..

حصلت على كم لغة من اللغات دى ؟

اللغة عبارة عن وسيلة و أداة وليست هدف ، فقط بنحتاجها علشان نقدر نستعمل شىء معين ، و علشان اللغة تتفهم بنلاقى ان الكمبيوتر بيحتاج برامج ترجمة (Compiler) والانسان بيحتاج للاذن علشان يسمع الكلمات ويترجمها على حسب تعليمه ومبادئة وادراكه ، والحب بيحتاج أفعال علشان نحس بيه ، والدعاء بيحتاج للفم علشان نقدر نطلع كلمات معينة نطلب بيها حاجاتنا من الله و نلجأ اليه.

اذن الكمبيوتر والانسان والله عبارة عن أهداف عايزين نوصلها ، واللغة هى الوسيلة الى بتوصلنا للأهداف دى.

أهم وسيلة محتاجين نتعلمها بمنتهى القوة والاصرار هى وسيلة التحدث مع الله ( لغة الدعاء ) مافيش أجمل من دى وسيلة يسرها ربنا لعباده علشان يقدروا يتواصلوا مع العزيز الغفار الكريم الودود . أنصح بقراءة كتاب أبواب السماء للرائع محمد حسين يعقوب ولا أزكى على الله أحدا ، بس حقيقة عشت مع الكتاب ده أحلى لحظات حياتى ، واتعلمت منه أسلوب الدعاء الى الله ، و أكثر الاوقات استجابة ، والكلمات التى يجب ان ادعو بها ، والشروط المستحبة ، وأيضا علامات استجابة الدعاء (ودى الفرحة الكبيرة بجد) انك تلاقى علامة استجابة دعائك جيالك من المولى عز وجل ، ماعتقدش الواحد هيبقى محتاج يتعلم لغة فى الدنيا كلها أهم من اللغة دى